Qazaqstan sokkadan ÁCh-2026 shırek fınalyna shyqty
ASTANA. KAZINFORM – Qazaqstan quramasy Germanııanyń Essen qalasynda ótip jatqan sokkadan 2026 jylǵy álem chempıonatynyń 1/8 fınalynda Vengrııany penaltı serııasynda jeńip, shırek fınalǵa joldama aldy, dep habarlaıdy Sports.kz.
Matchtyń negizgi ýaqyty 1:1 esebimen teń aıaqtaldy. Qazaqstan quramasynyń jalǵyz golyn Dıas Úsenov soqty.
Jeńimpaz penaltı serııasynda anyqtaldy. Qazaqstandyq fýtbolshylar múmkindikterin sátti paıdalanyp, 2:0 esebimen basym tústi.
– Negizgi ýaqytta komandalar jeńimpazdy anyqtaı almady. Penaltı serııasynda Qazaqstan quramasy qarsylasynan myqty bolyp, kelesi kezeńge joldama aldy, – delingen aqparatta.
Qazaqstan quramasy toptyq kezeńde úsh kezdesýdiń barlyǵynda iri eseppen jeńiske jetken. Aldymen Irak quramasyn 13:1 esebimen utsa, keıin Túrkııany 8:1, Belgııany 5:1 esebimen jeńdi.
Osy nátıjelerdiń arqasynda Qazaqstan toptyq kezeńdegi týrnırdiń eń nátıjeli quramalarynyń birine aınaldy.
Qazaqstannyń shırek fınaldaǵy qarsylasy 1/8 fınaldyń qalǵan kezdeseleri aıaqtalǵannan keıin anyqtalady.
Socca World Cup 2026 týrnıri Germanııanyń Essen qalasynda 28 tamyz ben 6 qyrkúıek aralyǵynda ótip jatyr. Álem chempıonatyna 48 qurama qatysýda.
Aıta keteıik, qazaqstandyq jaǵajaı voleıbolshylary Azııa chempıonatynyń shırek fınalyna shyǵa almady.
