Qazaqstan Sochıde ótken pankratıonnan álem chempıonatynda ekinshi oryn aldy
ASTANA. QazAqparat - QR MMA, pankratıon jáne grepplıng ulttyq federatsııasynyń ókilderinen quralǵan Qazaqstan quramasy «pankratıonnan Reseıdiń Sochı qalasynda Elite» dárejesi boıynsha ótken álem chempıonatynda jalpykomandalyq esepte ekinshi oryndy ıelendi, dep habarlaıdy «QazAqparat» HAA.
Ulttyq federatsııa baspasóz qyzmetiniń habarlaýynsha, Dáýren Ermekov (84 kg) pen Nurbek Qabdrahmanov (66 kg) álem chempıony boldy. Azamat Marqabaev (60 kg), Erlan Baıtın (77 kg), Erkinbek Injel (92 kg), Denıs Vlasov jáne Salamat Qaljanov (ekeýi de 100 keliden aýyr salmaqta) qola júldeger atandy.
Osy dıvızıonnyń jasóspirimder arasyndaǵy álem chempıony ataǵyn Gamlet Asanov (60 kg), kúmis medaldy Symbat Aımenov (77 kg) jeńip alsa, Raffael Tasbolatov (71 kg), Esqalı Qaıyrov (66 kg) jáne Ǵanı Ádilserik (57 kg) qurama qorjynyna qola medal saldy.
«Athlima» dárejesinde kúmis júldeni Dáýren Ermekov (84 kg), qola medaldardy Dastan Amangeldi (60 kg), Azamat Marqabaev (60 kg), Vladımır Shmargalev (77 kg), Jumageldi Jalǵasuly (66 kg), Dýman Balmuhanov (84 kg), Goıtı Dazaev (92 kg) enshiledi.
Sportshy qyzdarymyz da júldesiz oralǵan joq: Aqbóbek Erǵalıeva 58 keli salmaqta álemniń vıtse-chempıony atandy, al Anastasııa Gýdkova (64 kg) qola júldeni ıelendi.
Osy dıvızıonda jasóspirimder arasynda Mıras Qajymuratov (66 kg) pen Arlan Shaımolda (52 kg) álem chempıony atansa, Esqalı Qaıyrov (62 kg), Erlan Komsomolov (46 kg) jáne Qadyrbek Ádiljan (60 kg) kúmis, Ǵalymtaı Borashev (58 kg), ıÝrıı Nesterýk (65 kg), Ádilet Shaımerden (75 kg), Tilek Asylbekuly (54 kg), Nursultan Ǵızatollaev (71 kg) qola medaldardyń ıegeri atandy.
Qazaqstan quramasy, bul aıtylǵandardan tys, álem chempıonatyndaǵy eń birligi jarasqan komanda retinde de álemge tanyldy.
