Qazaqstan Sochı Olımpıadasynyń alǵashqy joldamasyn ıelendi
ASTANA. 1 qazan. QazAqparat - Shańǵymen tuǵyrdan sekirýde Qazaqstan 2014 jyly Sochı qalasynda ótetin olımpıada oıyndarynyń joldamasyn ıelendi.
«Alaman» sport agenttiginiń málimetinshe, bul týraly elimizdiń shańǵymen tuǵyrdan sekirý federatsııasynyń prezıdenti Andreı Verveıkın aıtqan.
«Qazaqstan byltyrǵy álem kýbogynyń kezeńderine jıi qatysýynyń arqasynda olımpıada lıtsenzııasyna ıe boldy. Qazir bizde Sochı oıyndarynyń bir joldamasy bar. Bul joldamamen qaı sportshynyń olımpıadaǵa qatysatynyn aldaǵy ýaqytta sheshemiz. Endi lıtsenzııa sanyn úsheýge jetkizsek dep otyrmyz», - dedi federatsııa basshysy.
