Qazaqstan Sochı Olımpıadasynda kem degende eki medal alýǵa bel býyp otyr
ASTANA. 15 naýryz. QazAqparat - Qazaqstan 2014 jyly ótetin Sochı Olımpıadasynda kem degende eki medal alýǵa bel býyp otyr. Bul týraly búgin Astanada Shańǵy jarysy boıynsha ulttyq federatsııanyń vıtse-prezıdenti Dıas Qanyshev málim etti.
Alaıda, ol Olımpıadada bizdiń quramanyń múmkindigi men medaldyń qaı túrin alýǵa qaýqarlyq tanytatynyn aldyn ala boljaý qıyn ekenin sóz etti. D. Qanyshevtyń aıtýynsha, barlyq qashyqtyqta jarysqa túsý úshin komanda jeterlik lıtsenzııaǵa ıe bolǵan.
«Bizde tolyq quramdaǵy komanda dodaǵa shyǵady. Atap aıtqanda, barlyq qashyqtyqta baq synaý úshin lıtsenzııalar jetkilikti. Árıne, komandadaǵy sportshylar sanyn bapker anyqtaıtyn bolady, biraq ta kem degende 10 adam. Alekseı Poltoranın men Nıkolaı Chebotko Olımpıada oıyndaryna qatysady»,-dedi ol.
«Eger de barlyq josparlar men jaǵdaıdar oryndalyp, jigitterdiń ahýaly jaqsy bolyp, olar tıisti daıyndyqtan ótse, menińshe, bizde jeńis jolynda múmkindik bar. Olar osy dodaǵa 5-6 jyl boıy kele jatyr. Osy oraıda Nıkolaı Chebotkonyń sózimen aıtatyn bolsaq, kem degende eki medal alýǵa úmittimiz»,-dedi federatsııanyń vıtse-prezıdenti.
Esterińizge sala keteıik, Italııada ótken álem chempıonatynda shańǵy jarysynan Qazaqstan sportshylary Alekseı Poltoranın men Nıkolaı Chebatko qola júldege ıe boldy. Búgin elorda áýejaıynda jankúıerler N.Chebotkony qarsy aldy.
