Qazaqstan Sochı Olımpıadasyna eki mánerlep syrǵanaýshy aparady
ASTANA. 1 sáýir. QazAqparat - Frantsııanyń Nıtstsa qalasynda mánerlep syrǵanaýdan ótip jatqan álem birinshiliginde qazaqstandyq Denıs Ten kishigirim sensatsııa jasap, qos baǵdarlama boıynsha 7 orynǵa taban tiredi,
dep habarlady Alaman ulttyq sport portaly.
Ten qysqy baǵdarlamada segizinshi, kórsetilim baǵdarlamasynda altynshy oryndy enshilegenin aıta keteıik. Osylaısha, sportshymyz óziniń sporttyq jolynda eń iri tabystarynyń birine qol jetkizdi. Denıs Nıtstsa dodasynda amerıkalyq Djeremı Abbott, Adam Rıppon, ıspan Haver Fernandes, orys Sergeı Voronov, qytaı Nan Song syndy myqtylardy artqa tastady. Taǵy bir jaǵymdy jańalyq, Denıs Tenniń osy jeńisiniń arqasynda Qazaqstan Sochı Olımpıadasyna eki mánerlep syrǵanaýshy aparady.
