Qazaqstan «Sochı-2014» Aq Olımpıadasyna 40-tan astam joldamany jeńip alýdy josparlaýda
ASTANA. 8 mamyr. QazAqparat - Qazaqstannyń Olımpıada quramasy Sochıdegi qysqy Olımpıadaǵa qatysý úshin 40-tan astam lıtsenzııa jeńip alýdy josparlady, dep habarlady Sport jáne dene shynyqtyrý isteri jónindegi agenttik tóraǵasynyń orynbasary Elsııar Qanaǵatov Primeminister.kz saıtyna bergen eksklıýzıvti suhbatynda.
«Biz 10 sport túri boıynsha 40-tan astam lıtsenzııa jeńip alýdy josparladyq. Qazirgi ýaqytta 22 lıtsenzııany jeńip aldyq», - dedi E.Qanaǵatov.
Osylaısha, qazaqstandyq qurama aktıvinde bıatlon boıynsha 10 joldama, mánerlep syrǵanaý boıynsha 2, taý shańǵysy boıynsha 3, konkı tebý sporty boıynsha 3, frıstaıl mogýly boıynsha 3 jáne snoýbordta 1 joldama bar.
Ótken qysqy Olımpıadamen salystyrǵanda vedomstvo basshysynyń orynbasary «Vankýverde Qazaqstan 8 sport túri boıynsha 39 lıtsenzııa jeńip aldy» dep atap ótti. Sportshylardyń qysqy sport túrleri boıynsha sońǵy álem chempıonattarynda kórsetken jaqsy nátıjelerin eskersek, Sochı Olımpıadasynda qazaqstandyq sportshylar kóbirek joldama utyp alýy tıis dedi.
«Bıyl sporttyń olımpıadalyq túrleri boıynsha qysqy álem chempıonattarynda bizdiń sportshylar táýir nátıje kórsetti. Konkı tebý sportynda Denıs Kýzın altyn medalǵa ıe boldy, mánerlep syrǵanaý boıynsha kúmis Denıs Tenge buıyrdy. Sonymen qatar, Qazaqstan 2 qola medal jeńip aldy. Shańǵy jarysy boıynsha komandalyq sprıntte Alekseı Poltoranın men Nıkolaı Chebotko marapatqa ıe boldy, ekinshi qolany 50 shaqyrymdyq jeke jarysta Alekseı Poltoranın jeńip aldy», - dep atap ótti ol.
Qazirgi ýaqytta Qazaqstan álem chempıonattary boıynsha 87 eldiń ishinde 19 orynda tur. 2014 jyldyń qańtaryna deıin sportshylar 75 lıtsenzııalyq jarysqa qatysady.
Sochı qalasyndaǵy (Reseı) XXVII Qysqy Olımpıada oıyndary 2014 jyldyń 7-23 aqpan aralyǵynda ótetini málim. Jarys barysynda 15 sport túri boıynsha 98 medal jıyntyǵy oınatylady. Lıtsenzııalyq jarys 2014 jyldyń qańtaryna deıin jalǵasady.
