Qazaqstan SMIIC uıymyna múshe boldy
«4 qarashada Mekke qalasynda Islam elderiniń standarttar jáne metrologııa ınstıtýtynyń (budan ári SMIIC) Dırektorlar keńesi otyrysy barysynda Tehnıkalyq retteý jáne metrologııa komıteti Qazaqstan atynan SMIIC-ke tolyq quqyly múshe retinde kirdi», - delingen habarlamada.
SMIIC jumysyna tolyq quqyly múshe retinde qatysý Qazaqstannyń standarttaý jáne metrologııa salasynda múddesin odan ári júzege asyrýǵa, sonymen qatar, SMIIC-ke qatysý otandyq taýarlardy atalmysh uıymǵa múshe elderge eksporttaýǵa múmkindik beredi.
«Qazirgi ýaqytta SMIIC-tiń basty maqsaty - búkil Islam elderimen jáne Halal óniminiń halyqaralyq akkredıtteý forýmymen IHAF sertıfıkattaý salasynda biryńǵaı standarttar men talaptardy jasap shyǵarý bolyp tabylady», - dedi Saýd Arabııanyń Standarttaý, metrologııa jáne sapa jónindegi uıymnyń SASO Basshysy Saad Ál-Kasabı.
Otyrysta Dırektorlar keńesiniń Halyqaralyq standarttaý uıymyn ISO sáıkestigine qaraı strategııa jáne qarjy boıynsha turaqty komıtetterin qurý jóninde sheshim qabyldady. Sonymen qatar, otyrys barysynda basty tehnıkalyq máseleler jáne strategııany budan ári damytýdy qarastyryldy.
Aıta keterligi, SMIIC Islam yntymaqtastyq uıymynyń OIC vedomstvolyq baǵynyshty uıymy. Ol múshe-memleketter arasynda saýdadaǵy tehnıkalyq kedergilerdi qysqartýǵa múmkindik beretin standarttaý, sertıfıkattaý, akkredıtteý jáne metrologııa biryńǵaı júıesin qurýǵa baǵyttalady.
