Qazaqstan SІM-de qazaq-majar strategııalyq seriktestigin nyǵaıtý máselesi talqylandy
ASTANA. KAZINFORM — Qazaqstan Respýblıkasy Syrtqy ister mınıstriniń orynbasary Arman Isetov Majarstannyń Qazaqstandaǵy Elshisi Otto Ivan Ronamen kezdesý ótkizdi. Bul týraly SІM málim etti.
— Suhbat barysynda taraptar qazaq-majar yntymaqtastyǵynyń qazirgi jaǵdaıy men damý perspektıvalaryn talqylap, saıası dıalogty nyǵaıtýǵa, saýda-ekonomıkalyq baılanystardy keńeıtýge, kólik, bilim berý jáne mádenıet salalaryndaǵy ózara is-qımyldy jandandyrýǵa, sondaı-aq ekijaqty saparlar aıasynda qol jetkizilgen ýaǵdalastyqtardy praktıkalyq turǵydan júzege asyrý máselelerine basa nazar aýdardy, — delingen habarlamada.
A.Isetov Qazaqstannyń Eýropalyq odaqtaǵy jaqyn ári senimdi áriptesi Majarstanmen strategııalyq seriktestikti shynaıy baǵalaıtynyn atap ótti.
Qazaqstan Respýblıkasy Syrtqy ister mınıstriniń orynbasary Arman Isetov Majarstannyń Qazaqstandaǵy Elshisi Otto Ivan Ronamen kezdesý ótkizdi.
— Astana men Býdapesht arasyndaǵy ózara senimge negizdelgen saıası dıalogtyń joǵary deńgeıi — ekijaqty qatynastardyń aıryqsha belgisi. Eki el halqyn ortaq tarıhı jáne mádenı tamyrlar baılanystyrady, — dep málimdedi qazaq dıplomaty.
Kezdesýde aldaǵy joǵary deńgeıdegi ekijaqty is-sharalarǵa daıyndyq máselelerine basym kóńil bólindi.
Kezdesý sońynda Mınıstrdiń orynbasary Elshige ekijaqty baılanystardy damytý jolyndaǵy belsendi jumysy úshin alǵys bildirip, yntymaqtastyqtyń odan ári nyǵaıa beretinine senim bildirdi.
Eske sala keteıik, buǵan deıin Beıjińde ShYU-ǵa múshe memleketter syrtqy ister mınıstrlikteriniń ókilderi bas qosqanyn jazǵan edik.