Qazaqstan SІM basshysy Ýkraına elshisimen ekijaqty yntymaqtastyqty talqylady
ASTANA. KAZINFORM — Qazaqstan Respýblıkasynyń Syrtqy ister mınıstri Ermek Kósherbaev Ýkraınanyń Qazaqstandaǵy Elshisi Vıktor Maıkony qabyldady. Bul týraly vedomstvonyń baspasóz qyzmeti habarlady.
— Suhbattastar ekijaqty yntymaqtastyqtyń ózekti máselelerin talqylap, ózara qyzyǵýshylyq týdyratyn birqatar halyqaralyq jáne óńirlik taqyryptar boıynsha pikir almasty. Kezdesý qorytyndysy boıynsha Astana men Kıev arasynda saıası, ekonomıkalyq jáne mádenı-gýmanıtarlyq salalardaǵy syndarly dıalogty tereńdetýge daıyndyq rastaldy, — delingen habarlamada.
Osyǵan deıin Qazaqstan Ýkraınadaǵy qaqtyǵysty retteý boıynsha kelissózdiń jandanýyna qoldaý bildiretinin jazǵanbyz.
Sonymen qatar Memleket basshysy BUU minberinde Ýkraına aınalasyndaǵy daǵdarysty sheshýdiń basty qaǵıdatyn atady.