Qazaqstan SІM basshysy IYU SІMK 51-shi sessııasyna qatysty
ASTANA. KAZINFORM — Qazaqstan Respýblıkasy Premer-mınıstriniń orynbasary — Syrtqy ister mınıstri Murat Nurtileý Islam yntymaqtastyǵy uıymy Syrtqy ister mınıstrleri keńesiniń 51-shi sessııasynyń jumysyna qatysty.
Kezdesý barysynda delegatsııa basshylary IYU keńistigindegi túrli áskerı-saıası jáne gýmanıtarlyq daǵdarystardy retteý jónindegi sharalardy talqylap, Iran-Izraıl qarýly qaqtyǵysty tez arada sheshýge jáne Gaza sektorynda atysty dereý toqtatýǵa shaqyrdy.
«Ózgermeli álemdegi IYU» uranymen ótken forýmnyń kún tártibine Uıymdy odan ári reformalaýǵa, múshe elder arasyndaǵy kópjaqty yntymaqtastyqty nyǵaıtýǵa, álemdegi musylman azshylyqtarynyń jaǵdaıyna, qarýsyzdaný men ıslamofobııaǵa baılanysty máseleler de kirdi.
Qazaqstan Syrtqy ister mınıstri óz sózinde Irannyń aınalasyndaǵy jaǵdaıdy deeskalatsııalaýdyń mańyzdylyǵyna nazar aýdaryp, Gaza sektoryna azyq-túlik pen dári-dármek jetkizý úshin gýmanıtarlyq dálizderdi ashýǵa shaqyrdy.
— Qazaqstan óńirdegi jaǵdaıdy turaqtandyrý jáne qaýipsizdikti qamtamasyz etý jónindegi halyqaralyq qoǵamdastyqtyń kúsh-jigerine óziniń berik qoldaýyn rastaıdy jáne taǵy da atysty dereý toqtatýǵa jáne Gazaǵa gýmanıtarlyq kómekti kedergisiz jetkizýge shaqyrady, — dedi Murat Nurtileý.
Sonymen qatar QR SІM basshysy IYU-nyń halyqaralyq arenadaǵy rólin nyǵaıtýǵa baǵyttalǵan birqatar usynystardy aıtyp, Qazaqstannyń osy protseske óz úlesin qosýǵa daıyn ekenin bildirdi.
SІMK 51-shi sessııasy barysynda ártúrli baǵyttar, onyń ishinde saıası, ekonomıkalyq, quqyqtyq, gýmanıtarlyq jáne ákimshilik-qarjylyq máseleler boıynsha 100-den astam qarar talqylanyp, qabyldaý josparlanýda. Qazaqstandyq bastamalar SІMK-tiń tıisti qujattaryna engizildi.
Sessııa barysynda M.Nurtileý Túrkııanyń Syrtqy ister mınıstri Hakan Fıdanmen, Ázerbaıjannyń Syrtqy ister mınıstri Djeıhýn Baıramovpen, Saýd Arabııasynyń Syrtqy ister mınıstri Feısal ben Farhan Ál Saýdpen, Pákistannyń Syrtqy ister mınıstri Muhammad Ishaq Darmen, Irannyń Syrtqy ister mınıstri Seıed Abbas Arakchımen jáne Sırııanyń Syrtqy ister mınıstri Asaad Hasan ash-Shıbanımen, sondaı-aq BUU Órkenıetter alıansynyń Joǵary ókili Mıgel Anhel Moratınospen ekijaqty kezdesýler ótkizdi. Taraptar ekijaqty jáne kópjaqty formattaǵy yntymaqtastyqty damytý joldaryn, sondaı-aq ózara qyzyǵýshylyq týdyratyn basqa da máselelerdi talqylady.