Qazaqstan-Slovenııa. Qandaı qujattarǵa qol qoıylǵany belgili boldy
ASTANA. KAZINFORM – Búgin Slovenııa Prezıdenti Natasha Pırts-Mýsar elimizge resmı saparmen kelip, kelissióz qorytyndysy boıynsha birqatar qujatqa qol qoıyldy.

Aqordanyń baspasóz qyzmeti taratqan aqparatqa sáıkes, kelissózder qorytyndysy boıynsha prezıdentter Birlesken málimdeme qabyldady. Sonymen qatar resmı delegatsııa músheleri tómendegideı qujattarǵa qol qoıdy:
1. Qazaqstan Respýblıkasy Ǵylym jáne joǵary bilim mınıstrligi men Slovenııa Respýblıkasy Joǵary bilim, ǵylym jáne ınnovatsııa mınıstrligi arasyndaǵy bilim jáne ǵylym salasy boıynsha ózara túsinistik týraly memorandým;
2. Qazaqstan Respýblıkasy Týrızm jáne sport mınıstrligi men Slovenııa Respýblıkasy Ekonomıka, týrızm jáne sport mınıstrligi arasyndaǵy týrızm salasy boıynsha yntymaqtastyq jónindegi ózara túsinistik týraly memorandým;
3. Qazaqstannyń Syrtqy saýda palatasy men Slovenııanyń Saýda-ónerkásip palatasy arasyndaǵy ózara túsinistik týraly memorandým.
Aıta keteıik, Memleket basshysy Qasym-Jomart Toqaev Aqordada Qazaqstanǵa resmı saparmen kelgen Slovenııa Prezıdenti Natasha Pırts-Mýsardy qarsy aldy.
Buǵan deıin Toqaev Qazaqstan-Slovenııa bıznes keńesin qurýdy usynǵanyn jazǵan edik.
Sondaı-aq, Prezıdent Slovenııamen qandaı salalarda tyń jobalarlar júzege asyrylatyndyǵyn atady.