Qazaqstan Slovakııaǵa AES otynyn sata ma – QazAtomÓnerkásip memorandýmǵa qol qoıdy

ASTANA. KAZINFORM – «QazAtomÓnerkásip» ulttyq kompanııasy» Slovakııanyń Slovenské elektrárne kompanııasymen atom salasyndaǵy yntymaqtastyq týraly memorandýmǵa qol qoıdy.

Ulttyq kompanııanyń málimetinshe, memorandým Slovakııanyń atom elektr stantsııalaryna tabıǵı ýran kontsentraty men ýran dıoksıdi (UO₂) túrindegi ıadrolyq otyndy jetkizý múmkindikterin qarastyrýdy kózdeıdi.

- Bul kelisim – bizdiń eýropalyq seriktestermen aradaǵy ózara tıimdi yntymaqtastyqty tereńdetýge baǵyttalǵan mańyzdy qadam. Slovakııa úshin atom energetıkasy – turaqty ári senimdi energııa kózi. Sondyqtan biz bul áriptestiktiń uzaqmerzimdi ári ózara paıdaly bolaryna senemiz, - deıdi ulttyq kompanııanyń basqarma tóraǵasy Meıirjan ıÝsýpov.

Slovenské elektrárne kompanııasy – Slovakııadaǵy búkil atom elektr stansalarynyń biryńǵaı operatory. «QazAtomÓnerkásip» ulttyq kompanııasy buǵan deıin shveıtsarııalyq Axpo Power AG, frantsııalyq Orano jáne Framatome sııaqty birneshe eýropalyq kompanııamen osyǵan uqsas qujattar bekitken bolatyn.