Qazaqstan sledj-hokkeıdi damytpaq
ALMATY. QazAqparat - QR Ulttyq paralımpıadalyq komıteti sledj-hokkeı úshin sport quraldaryn aldy, dep habarlaıdy QazAqparat tilshisi.
Sporttyń osy túri keń taralmaǵan memleketterde ony nasıhattaý týraly Halyqaralyq paralımpıadalyq komıtettiń baǵdarlamasy arqasynda Ulttyq paralımpıada komıteti grant ıegeri atandy.
«Qazaqstan sporttyń bul túri boıynsha qoldanylatyn jabdyqtardyń 14 jubyna qol jetkizip, ony damytýǵa jol ashylyp otyr. Qazaqstan paralımpıada komıeti serpindi damýǵa osylaı nyq qadam jasaı beredi», - dedi komıtettiń baspasóz qyzmeti.
Jańa sport ınventarin birinshi bolyp, Batys Qazaqstan oblysynyń múmkindigi shekteýli sportshylary qoldanatyn boldy.
«Ulttyq paralımpıada komıteti Halyqaralyq paralımpıadalyq komıtetpen birlese otyryp jáne «Agıtos» qorynyń qoldaýymen elimizde múgedek jandarǵa arnalǵan sledj-hokkeıdi damytýdy maqsat etip otyr. Jańadan alynǵan sport ınventarlary elimizde sledj-hokkeıdi damytýǵa, tanystyrýǵa septigin tıgizedi», - dedi baspasóz qyzmetindegiler.
Sledj-hokkeı nemese shana ústindegi hokkeı - muz ústindegi komandalyq oıyn. Ol múgedek jandar úshin shaıbaly hokkeıdiń balamasy bolyp sanalady.
