Qazaqstan Syrtqy ister mınıstri Pákistan Prezıdentimen kezdesti
ISLAMABAD. KAZINFORM — QR Premer-mınıstriniń orynbasary – Syrtqy ister mınıstri Murat Nurtileý Islamabadqa resmı sapary barysynda Pákistan Islam Respýblıkasynyń Prezıdenti Asıf Alı Zardarıdiń qabyldanýynda boldy, dep habarlaıdy Kazinform tilshisi.
Kezdesýde A.Zardarı sońǵy jyldary qol jetkizilgen ekijaqty yntymaqtastyqtyń joǵary deńgeıin atap ótip, ózara tıimdi seriktestikti nyǵaıtý úshin jan-jaqty kooperatsııany ári qaraı ilgeriletýdiń mańyzyna toqtaldy.
M.Nurtileý Astananyń Islamabadpen jan-jaqty baılanysty nyǵaıtý nıetin rastap, ekijaqty dıalogty tereńdetýge yqpal etetin áleýetti jobalar týraly habardar etti.
– Qazir elderimiz arasyndaǵy saýda-ınvestıtsııalyq qatynastarda oń úrdisterdi baıqap otyrmyz. Qazaqstan Pákistanmen ekonomıkalyq yntymaqtastyqty odan ári nyǵaıtýǵa múddeli, – dedi Syrtqy ister mınıstri.
Bul turǵyda taraptar kólik-logıstıkalyq baılanystardy damytýdy qosa alǵanda saýda-ekonomıkalyq yntymaqtastyqty ilgeriletý mańyzdy ekenin aıtty.
Ekijaqty bilim berý bastamalaryn qoldaý arqyly eki eldiń joǵary oqý oryndary arasyndaǵy akademııalyq baılanystardy nyǵaıtýdy qosa alǵanda, mádenı-gýmanıtarlyq qatynastardy údemeli damytýǵa erekshe nazar aýdaryldy.
Sonymen birge, Murat Nurtileý Pákistan Islam Respýblıkasynyń Premer-mınıstri Shahbaz Sharıfpen kezdesý ótkizdi. Negizgi nazar saıası dıalogty keńeıtýge, ekonomıkalyq baılanystardy nyǵaıtýǵa jáne jahandyq formattaǵy birlesken bastamalardy ilgeriletýge aýdaryldy.
Mınıstr Prezıdent Qasym-Jomart Toqaev bastamashylyq etken saıası jáne áleýmettik-ekonomıkalyq reformalar, sonyń ishinde 8 qyrkúıektegi Qazaqstan halqyna Joldaý týraly habardar etti.
– Astana ekijaqty jáne óńirlik alańdarda ózara tıimdi bastamalardy júzege asyrýǵa daıyn. 33 jyldan astam ýaqyt ishinde elderimiz mazmundy saıası dıalogty qoldap, ózara senimge, ashyqtyqqa jáne gýmanıtarlyq baılanystarǵa negizdelgen berik qatynastar ornatty, – dep málimdedi ol.
Óz kezeginde Sh. Sharıf Ortalyq Azııa memleketterimen, atap aıtqanda Qazaqstanmen yntymaqtastyqty keńeıtý úshin zor áleýet bar ekenin aıtty. Taraptar saıası dıalogty qoldaýǵa, saýda-ekonomıkalyq jáne ınvestıtsııalyq baılanystardy damytýǵa múddeliligin rastady, sondaı-aq óńirlik qatynastar arhıtektýrasyn nyǵaıtýǵa ýaǵdalasty.
Kezdesý sońynda Pákistan Premer-mınıstri Qazaqstan-Pákistan qarym-qatynastarynyń deńgeıine joǵary baǵa berip, olardyń mazmundy damýyn odan ári jalǵastyrýǵa daıyn ekenin bildirdi.
Eske sala ketsek, QR Premer-Mınıstriniń orynbasary — Syrtqy ister mınıstri Murat Nurtileý Pákistan astanasy Islamabad qalasyna resmı saparmen bardy.
Pákistandyq kásipkerler Qazaqstannyń Ortalyq Azııaǵa, Reseıge, Eýropaǵa jáne Qytaıǵa jol ashatyn mańyzdy qaqpa ekenin atap ótti. Óz kezeginde Pákistan Afrıkamen, Taıaý Shyǵys pen Ońtústik-Shyǵys Azııamen jerústi saýdasyna jol ashady.
QR Syrtqy ister mınıstrligi Investıtsııa komıteti tóraǵasy Ǵabıdolla Ospanqulov Qazaqstan men Pákistan arasynda ınvestıtsııalyq qatynastardyń qaı baǵytta órbıtinin aıtyp berdi.