Qazaqstan Syrtqy ister mınıstri Qatar SІM basshysyna kóńil aıtý jedelhatyn joldady
ASTANA. KAZINFORM – Ermek Kósherbaev Qatar SІM basshysyna kóńil aıtý jedelhatyn joldady. Bul týraly Syrtqy ister mınıstrliginiń baspasóz qyzmeti habarlady.
– Qazaqstan Respýblıkasynyń Syrtqy ister mınıstri Sharm-esh-Sheıh qalasynyń mańyndaǵy jol apaty saldarynan Qatar Ámiri Keńsesiniń qyzmetkerleri qaza bolǵanyna baılanysty Qatar Memleketiniń Premer-mınıstri – Syrtqy ister mınıstri sheıh Muhammed ben Abdýlrahman Ál Tánıge kóńilhat joldady. Sondaı-aq Ermek Kósherbaev marqumdardyń beıbitshilik pen turaqtylyq jolyndaǵy úlesin atap ótti jáne Qazaqstan Qatarmen strategııalyq seriktestikti joǵary baǵalaıtynyn jetkizdi, - delingen habarlamada.
Eske sala keteıik, buǵan deıin Qazaqstan men Moldovanyń syrtqy ister mınıstrleri telefon arqyly sóıleskenin jazǵanbyz.