Qazaqstan Sırııadaǵy beıbitshilik pen turaqtylyqty ornatýǵa degen halyqaralyq kúsh-jigerdi qoldaıdy - QR SІM
ASTANA. QazAqparat - Elimizdiń syrtqy ister mınıstrligi QR SІM Erekshe tapsyrmalar jónindegi Elshisi - resmı ókili Altaı Ábıbýllaevtyń túsiniktemesin jarııa etti.
«Sırııalyq oppozıtsııanyń jekelegen ókilderiniń Qazaqstan Prezıdenti Nursultan Nazarbaevtyń atyna joldaýyn alǵanymyzdy jáne ol osyndaı jaǵdaıǵa sáıkes jáne sypaıylyq erejeleri talap etetindeı qarastyrylǵanyn rastaımyz. Osyǵan oraı, QR Syrtqy ister mınıstri Erlan Ydyrysovtyń atynan jaýap hat joldandy.
Bizdiń elimizdiń prıntsıpıaldyq ustanymdary kelesi máselelerdi qamtıdy: Qazaqstan BUU, Arab memleketter lıgasy, AQSh, RF ókildik etken halyqaralyq qaýymdastyqtyń qabyldap otyrǵan sharalaryn, sonymen qatar sırııalyq bılik pen oppozıtsııanyń zorlyq-zombylyq pen qantógisti tez arada toqtatý maqsatynda ózara únqatysý men tatýlyq arqyly Sırııanyń saıası bolashaǵyn aıqyndaýǵa baǵyttalǵan kúsh-jigerin qoldaıdy. Osyǵan oraı, Qazaqstan Sırııadaǵy qaqtyǵysty retteý boıynsha «Jeneva-2» konferentsııasy aıasynda sırııalyq bılik pen oppozııatsııa arasyndaǵy kelissózderdiń jalǵasýyna úmittenedi. Qazaqstan sırııalyq qaqtyǵys tek beıbit jolmen ǵana sheshiledi degen ustanymǵa bekem baılanǵan. Sırııalyq oppozıtsııa ókilderiniń joldaýy dál osyndaı qaǵıdamen qarastyryldy», delingen habarlamada.
Sondaı-aq óziniń jaýap hatynda QR Syrtqy ister mınıstri taǵy da Qazaqstannyń Sırııadaǵy beıbitshilik pen turaqtylyqty ornatýǵa degen ulttyq jáne halyqaralyq kúsh-jigerdi qoldaıtynyn jetkizdi. Ol Qazaqstan tıisti taraptar úshin qajetti únqatysý alańyn usyný múmkindigin qarastyrýǵa daıyn ekendigin jáne osydan kele hat avtorlaryn birinshi beıresmı jáne kópshiliksiz pikiralmasý otyrysyn ótkizý úshin Astanaǵa shaqyrý máselelerin atap ótti. (Jabyq hat almasý jaryqqa shyǵyp, BAQ-tarda jarııalanýy negizinde tań qalarlyq jaǵdaı). Sonymen qatar hatta kezdesý formaty, delegatsııa quramy, olardyń reprezentatıvtiligi, usynylyp otyrǵan platformanyń qatysýshylarynyń mindetteri men aqyrǵy maqsattary jetistikke qol jetkizý úshin asa mańyzdy ekendigi arnaıy atalyp ótildi.
«Osylaısha, qazirgi tańda másele tek atalǵan jaǵdaıdy tereńirek zertteý týraly bolyp otyr. Biz hat avtorlaryn Qazaqstanǵa jumys babynda kelip, tanysyp, ári qaraı máseleni talqylaýǵa negizdemeniń bar-joqtyǵyn túsiný maqsatynda shaqyryp otyrmyz. Sonymen qatar qazirgi ýaqytta bar kelissózder alańdaryn, sonyń ishinde jenevalyq jáne máskeýlik formattardaǵy kelissózderdi prıntsıpıaldy turǵyda qoldaıtynymyzdy jáne Qazaqstanda sırııalyq daǵdarysty sheshýde keýdemsoqtyǵy nemese qazirgi bar alańdardy aýystyrýǵa degen qandaı da bir nıeti joq ekenin erekshe atap ótemiz», delingen habarlamada.
Sondaı-aq hatta Sırııadaǵy aýyr gýmanıtarlyq daǵdarystyń saldaryna qatty alańdaýshylyq aıtylyp, Qazaqstan azamattyq turǵyndardyń jaǵdaıyn sál bolsyn jeńildetý maqsatynda barynsha kómek kórsetip kelgeni jáne aldaǵy ýaqytta da bul baǵyt boıynsha jumysty jalǵastyra beretini jetkizilip, álemdik qaýymdastyqtyń kúsh-jigeri dál osy baǵytqa jumylý kerektigi aıtylǵan.
