Qazaqstan Sırııa, Tájikstan jáne Qyrǵyzstanǵa 662 mln teńge gýmanıtarlyq kómek bóldi
ASTANA. QazAqparat - Qazaqstan Úkimeti Sırııa, Tájikstan jáne Qyrǵyzstanǵa 662 mln teńge gýmanıtarlyq kómek bóldi, dep habarlaıdy QazAqparat.
Qazaqstan Respýblıkasy Úkimetiniń sáıkesinshe qaýlysyna 2017 jyldyń 20 jeltoqsanynda qol qoıylǵan jáne ol «Ádilet» aqparattyq-quqyqtyq júıesiniń saıtynda jarııalandy. Qujatqa sáıkes QR Úkimetiniń "Qazaqstan Respýblıkasy Úkimetiniń tótenshe rezervinen qarajat bólý týraly" 2017 jylǵy 25 mamyrdaǵy № 288 jáne "Tájikstan Respýblıkasyna resmı izgilik kómek kórsetý týraly" 2017 jylǵy 8 qarashadaǵy № 721 qaýlylaryna ózgerister engizilgen.
«Qazaqstan Respýblıkasynyń Qorǵanys jáne aeroǵarysh ónerkásibi mınıstrligine 2016 jyly memlekettik materıaldyq rezervten bronnan shyǵarylǵan materıaldyq qundylyqtardyń qunyn óteý úshin 2017 jylǵa arnalǵan respýblıkalyq bıýdjette kózdelgen Qazaqstan Respýblıkasynyń jáne basqa memleketterdiń aýmaǵyndaǵy tabıǵı jáne tehnogendik sıpattaǵy tótenshe jaǵdaılardy joıýǵa arnalǵan Qazaqstan Respýblıkasy Úkimetiniń tótenshe rezervinen 662689013,92 (alty júz alpys eki mıllıon alty júz seksen toǵyz myń on úsh teńge toqsan eki tıyn) teńge mólsherinde aqsha qarajaty bólinsin», - delingen qujatta.
Onyń ishinde Tájikstan Respýblıkasyna resmı izgilik kómek kórsetý úshin 276790000 (eki júz jetpis alty mıllıon jeti júz toqsan myń) teńge somasynda, Qyrǵyz Respýblıkasyna resmı izgilik kómek kórsetý úshin 200281141,92 (eki júz mıllıon eki júz seksen bir myń bir júz qyryq bir teńge toqsan eki tıyn) teńge somasynda, Sırııa Arab Respýblıkasyna resmı izgilik kómek kórsetý úshin 185617872 (bir júz seksen bes mıllıon alty júz on jeti myń segiz júz jetpis eki) teńge somasynda aqsha qarajaty bólinip otyr.
Sonymen qatar Qazaqstan Respýblıkasynyń Qorǵanys jáne aeroǵarysh ónerkásibi mınıstrligine Tájikstan Respýblıkasyna izgilik kómek kórsetý úshin 986,534 (toǵyz júz seksen alty tonna bes júz otyz tórt kılogramm) tonna kóleminde mazýt satyp alýǵa 2017 jylǵa arnalǵan respýblıkalyq bıýdjette kózdelgen Qazaqstan Respýblıkasy Úkimetiniń tótenshe rezervinen 101015634,8 (bir júz bir mıllıon on bes myń alty júz otyz tórt teńge seksen tıyn) teńge mólsherinde aqshalaı qarajat bólinedi.
Qaýly qol qoıylǵan kúninen bastap qoldanysqa engiziledi.
