Qazaqstan Sırııa daǵdarysyn retteý boıynsha óz ustanymyn málim etti
Bul týraly búgin «Qazmedıa» ortalyǵynda ótken baspasóz máslıhatynda QR Syrtqy ister mınıstriniń orynbasary Roman Vasılenko málim etti, dep habarlaıdy QazAqparat.
«Tolyqtaı alǵanda, Qazaqstan Astanadaǵy aldaǵy kezdesýde (Astana protsesi) BUU qamqorlyǵymen Jeneva kelissózderi aıasynda sırııalyq janjaldyń jan-jaqty qamtymdy sheshimi úshin qajetti barlyq jaǵdaı jasaýǵa umtylady. Osyǵan oraı Astanadaǵy bul kelissózderge qarym-qatynasymyzdyń túbegeıli sátteriniń biri, biz ony Jeneva kelissózderi protsesine balama retinde qaramaımyz. Kerisinshe, ony tolyqtyratyn elementterdiń biri dep sanaımyz. Osyǵan para-par ádisti BUU da ustanady. Osy jyldyń 20 qańtarynda Qaýipsizdik keńesi Astana kezdesýin sırııalyq saıası protsesti ilgeriletetin mańyzdy bólik jáne osy jyldyń 8 aqpanynda Jenevada BUU qamqorlyǵymen kelissózderdi jańǵyrtýǵa aparatyn joldaǵy mańyzdy qadam retinde sanaıtyndyǵyn málimdedi», - dedi Vasılenko.
Sonymen qatar ol BUU Qaýipsizdik keńesi Sırııa daǵdarysyn saıası retteý protsesindegi Astana kezdesýine (Astana protsesi) joǵary senim artyp otyrǵandyǵyn aıtty.
«Bul keıbir sarapshylar men saıasattanýshylarǵa búgin Astanada bastalatyn kezdesýdi óz komentarıılerinde «Astana protsesi» dep ataýlaryna belgili bir deńgeıde negiz beredi. Buǵan qosa, bizdiń ustanymymyz sırııalyq daǵdarysty sheshýdegi eń durys jol - dıplomatııalyq kúsh-jiger bolyp qala bermek», - dedi QR SІM orynbasary.
