Qazaqstan sımfonııalyq orkestri Latyn Amerıkasyndaǵy gastroldik saparyn Brazılııadan bastady
ASTANA. QazAqparat - QR Brazılııadaǵy Elshiliginiń, Mádenıet mınıstrligi, sondaı-aq brazılılııalyq «Dell'Arte» prodıýserlik kompanııasynyń qoldaýymen Rıo-de-Janeıro qalasynda QR Memlekettik akademııalyq sımfonııalyq orkestriniń Brazılııadaǵy gastrolderi ótip jatyr.
Bul týraly QR SІM baspasóz qyzmetinen habarlady.
Orkestr baǵdarlamasynda kontsertterdiń ótýi Brazılııa men qosa Argentınada da josparlanǵan. Bul is-sharalardyń basty maqsaty - Qazaqstannyń Brazılııa jáne Argentınamen mádenı baılanystaryn odan ári nyǵaıtý men keńeıtý, sondaı-aq brazılııalyqtar men argentınalyqtarǵa Qazaqstannyń mádenıeti men ónerin nasıhattap, keńinen tanystyrý.
Orkestr solısi - «Bolashaq» Prezıdenttik baǵdarlamasynyń ıegeri, London qalasynyń Koroldik mýzyka Akademııasynyń túlegi, halyqaralyq konkýrstardyń laýreaty, talantty qazaqstandyq skrıpkashy Ǵalııa Bısenǵalıeva bolsa, dırıjerlikti belgili frantsýzdyq dırıjer Nıkolıa Kraýz atqarady.
Rıo-de-Janeıro qalasynan basqa kontsertter Argentınanyń Býenos-Aıres, Rozarııa jáne Kordoba sııaqty iri qalalarynda óz jalǵasyn tabady. Atap aıtqanda, Býenos-Aıreste kontsert tek Latyn Amerıkasynda ǵana emes, sondaı-aq búkil álemge áıgili «Kolon» teatrynda ótedi.
