Qazaqstan ShYU quramynda Beıjińdegi baǵbanshylyq EKSPO-ǵa qatysyp jatyr
"Ótken jyldyń maýsym aıynda Tsındaoda ótken Shanhaı yntymaqtastyq uıymynyń sammıti barysynda qorshaǵan ortany qorǵaý salasyndaǵy ShYU-ǵa múshe memleketter yntymaqtastyǵynyń tujyrymdamasy qabyldanǵan bolatyn. Atalǵan tujyrymdama aıasyndaǵy ózara is-qımyldyń mańyzdy baǵyty ekologııalyq qaýipsizdik, klımat ózgeristerine beıimdelý, qaldyqtardy basqarý, ekologııalyq bilim deńgeıin arttyrý, sonymen qatar "jasyl damýdy" ilgeriletý sanalady", -dedi Beıjiń mańyndaǵy ıAntsın qalasynda ótken saltanatty shara barysynda ShYU bas hatshysy Vladımır Norov.
Onyń atap ótýinshe, 2019 jyldyń 14 maýsymynda Bishkekte ótken ShYU sammıti aıasynda atalǵan tujyrymdamany júzege asyrý boıynsha is-sharalar jospary bekitilgen.
"Munyń barlyǵy da ShYU jáne bizdiń memleketterimizdiń kóshbasshylarynyń eýrazııalyq keńistiktegi qorshaǵan ortany qorǵaýǵa kúsh-jigerlerin shoǵyrlandyrýǵa umtylatyndyǵyna dálel bola alady", - dedi dıplomat.
ShYU kúninen elshiler, dıplomattar, múshe memleketterdiń, baqylaýshy elderdiń resmı tulǵalary, qytaı úkimetiniń, mádenıet jáne óner ókilderi, jalpy 300-den astam qonaq qatysty. Sharanyń resmı bólimi aıaqtalǵannan keıin kontsert boldy.
Esterińizge sala ketsek, 29 sáýir men 7 qazan aralyǵynda 2019 jylǵy Halyqaralyq baǵbanshylyq kórmesi ótip jatyr. Atalǵan sharaǵa álemniń 86 eli men 24 halyqaralyq uıym qatysýda. ShYU-nyń baǵy jer, aýa jáne sý negizinde árlengen.
Avtory: Sadyq Ákejanov
