Qazaqstan ShYU elderin jańartylatyn energııa kózderi aýktsıondaryna qatysýǵa shaqyrdy
Bul týraly ShYU-ǵa múshe memleketterdiń energetıka mınıstrleriniń keńesinde QR Energetıka birinshi vıtse-mınıstri Murat Júrebekov málimdedi, dep habarlady QazAqparat menshikti tilshisi.
«Qazaqstan klımattyń ózgerýi jónindegi Parıj kelisimi aıasynda 2030 jylǵa qaraı parnıktik gaz shyǵaryndylaryn 15% -ǵa qysqartý boıynsha mindettemelerdi qabyldady. Qazaqstannyń jasyl ekonomıkaǵa kóshýi jónindegi bekitilgen tujyrymdamaǵa sáıkes, 2030 jylǵa qaraı JEK úlesi elektr energııasyn óndirýdiń jalpy kóleminiń keminde 15% -yna jetýi tıis, al 2050 jylǵa qaraı bul kórsetkish 50%-ǵa jetýi kerek», - dedi Murat Júrebekov.
Ol áriptesterin 2018 jyldan bastap Qazaqstanda qoldanylatyn JEK jobalaryn iske asyrý boıynsha ashyq halyqaralyq aýktsıondyq saýda-sattyq tetigi týraly habardar etti. Bul jobalar men ınvestorlardy irikteý protsesin ashyq jáne túsinikti etýge jáne neǵurlym tıimdi tehnologııalar men jobalarǵa súıenýge múmkindik berdi. Osy kezeńde jalpy qýaty 1700 MVt bolatyn elektrondyq formatta aýktsıondar ótti. Osy jyldar ishinde saýda-sattyqqa álemniń 12 elinen 200-ge jýyq kompanııa qatysty.
«Barlyq múddeli taraptar arasyndaǵy praktıkalyq yntymaqtastyqty nyǵaıtý maqsatynda biz ShYU memleketterine Qazaqstan aýmaǵyndaǵy JEK aýktsıondaryna qatysý múmkindigin qarastyrýdy usynamyz», - dep málimdedi qazaqstandyq delegatsııa basshysy.
Іs-sharaǵa Úndistan, Qazaqstan, Qytaı, Qyrǵyzstan, Pákistan, Reseı jáne Tájikstannyń energetıka salasynyń basshylary qatysty.
Mınıstrlik keńestiń qorytyndysy boıynsha ShYU-ǵa múshe memleketterdiń energetıka salasyndaǵy yntymaqtastyq tujyrymdamasyn is júzinde iske asyrý jónindegi is-sharalar jospary bekitildi jáne ShYU-ǵa múshe memleketterdiń JEK paıdalaný salasyndaǵy yntymaqtastyq baǵdarlamasynyń jobasy maquldandy.
