Qazaqstan shytyrmanǵa toly demalys ótkizýge bolatyn elder qatarynda
ASTANA. QazAqparat - Qazaqstan shytyrman oqıǵalarǵa toly demalys ótkizýge bolatyn memleketterdiń qataryna engizildi. Úzdik týrıstik baǵyttar úshin daýys berý National Geographic Reseı ǵalamtor-saıtynda ótti, dep habarlaıdy QazAqparat.
TýrStat agenttigi TMD elderinde týrıstik demalys baǵyttary boıynsha National Geographic Traveler Awards 2018 júldesiniń daýys berý qorytyndylaryn taldap shyqqan. Anyqtalǵandaı, Qazaqstan demalysty qyzyqty ótkizýge bolatyn úzdik úsh eldiń qataryna endi.
Atap aıtqanda, «Shytyrmanǵa toly demalys» atalymynda Nepal 27 paıyz daýys jınasa, Qazaqstanǵa - 24 paıyz, Úndistan eline - 24 paıyz, Ońtústik Afrıka Respýblıkasyna - 20 paıyz jáne Omanǵa 5 paıyz daýys berilgen.
Sondaı-aq Ózbekstan - gastronomııalyq týrızm, al Belarýs agrotýrızm úshin eń tanymal elder atandy.
