Qazaqstan-Shveıtsarııa saıası konsýltatsııalarynyń kezekti raýndy ótti - SІM (FOTO)
ASTANA. QazAqparat - Qazaqstan Respýblıkasy Syrtqy ister mınıstriniń orynbasary Roman Vasılenko jáne Shveıtsarııa Syrtqy ister federaldyq departamenti Eýropa jáne Ortalyq Azııa elderi, Eýropa odaǵy jáne EQYU bóliminiń basshysy, elshi Nıkolas Brıýldiń teń tóraǵalyǵymen Qazaqstan-Shveıtsarııa saıası konsýltatsııalarynyń kezekti raýndy ótti. Bul týraly Syrtqy ister mınıstrliginiń baspasóz qyzmetinen habarlandy.
Konsýltatsııalar barysynda taraptar ekijaqty saıası jáne ekonomıkalyq yntymaqtastyq máselelerin, sondaı-aq BUU jáne EQYU aıasyndaǵy ózara árekettestikti, taraptardyń ıadrolyq qarýdy taratpaýǵa úlesterin talqylady. Budan bólek, kelissózder barysynda terrorızmge jáne radıkalızatsııaǵa qarsy kúresti, adam quqyqtaryn qorǵaý salasyndaǵy máselelerdi ilgeriletýdi qosa alǵandaǵy ózekti halyqaralyq problematıka máseleleri sóz boldy.
Sonymen qatar, R. Vasılenko Shveıtsarııanyń Qazaqstandaǵy elshisi Maýro Reınaǵa ekijaqty yntymaqtastyqty damytýǵa qosqan úlesi úshin jáne dıplomatııalyq mıssııasynyń aıaqtalýyna oraı QR Prezıdenti Nursultan Nazarbaevtyń atynan qurmet gramotasyn tabys etti.
