Qazaqstan ShUAA-daǵy toqyma zaýytyna 300 tonna bıdaı jetkizedi
ShANHAI. QazAqparat - QR Premer-Mınıstriniń birinshi orynbasary Baqytjan Saǵyntaevtyń basshylyǵymen qazaqstandyq delegatsııa «Cathay Industrial Biotech» kompanııasynyń keńsesine bardy, onda óndiris tehnologııalarymen tanysyp, perspektıvalyq yntymaqtastyq boıynsha kelissózder júrgizdi.
«Sizdiń jobańyz jaıly Prezıdent Nursultan Nazarbaevqa aıttym. Keshe ótken Memleket basshysy men QHR tóraǵasy Sı Tszınpınniń kelissózi barysynda ınovatsııalyq kásiporyndarǵa basa nazar aýdarý qajettigi atap ótildi, bul sizdiń kompanııańyzǵa qatysty boldy», - dedi «Cathay Industrial Biotech» basshylyǵymen júzdesýi kezinde B. Saǵyntaev.
Ol yntymaqtastyqqa múddelilik tanytyp, Qazaqstan aýmaǵynda bıdaı men júgeriden toqyma óndirý zaýytyn salý múmkindikterin qaraýdy usyndy.
Bul jaıly egjeı-tegjeıli QazAqparat tilshisine QR AShM vıtse-mınıstri Gúlmıra Isaeva aıtyp beredi.
«Bul kompanııa azyq-túliktik emes bıdaı men júgeriden jasyl neılon óndirýdiń biregeı tehnologııasyn ázirledi. Bul Qazaqstanda uzaq saqtaý merzimderimen, balaýyz kórsetkishiniń tómendigimen azyq-túlik emes bıdaıdyń jetkizýshisi bolýǵa múmkindiktiń bar ekendigin bildiredi. Qurylysy jýyrda Shyńjań-Uıǵyr avtonomııalyq aýdanynda aıaqtalatyn bolady, olar bizdiń bıdaı men júgerini toqyma matalaryn óndirý úshin shıkizat retinde paıdalanady».
«Biz osy zaýytta tómen sapaly azyq-túliktik emes bıdaıdyń negizgi jetkizýshisi bola alamyz, - dedi ol. - Onyń suranysy jylyna 1,2 mln tonnany quraıdy. Bıyl Qazaqstan ShUAA-ǵa 300 tonna shıkizat jetkizedi. Kelesi jyly zaýyt tolyq qýatqa kóshedi», - dep atap ótti Isaeva.
QHR Memlekettik damý jáne reformalar komıteti kvottaý máselesin sheshken jaǵdaıda kompanııa ekinshi kezektegi zaýytty salýdy bastaıdy, onyń jyl saıynǵy suranysy 2,5 tonna bıdaıdy quraıdy.
