Qazaqstan short-trekten jasóspirimder arasyndaǵy álem chempıonatyn 2 medalmen aıaqtady

ASTANA. KAZINFORM – AQSh-tyń Solt-Leık-Sıtı qalasynda short-trekten jasóspirimder arasynda álem chempıonaty aıaqtaldy.

Atalǵan jarysta Qazaqstan quramasy eki medal jeńip aldy.

Bogdan Vehov qola júldeni mise tutty. Ol 1 000 metr qashyqtyqta úshinshi bolyp márege jetti.

Áıelder estafetasynda Polına Omelchýk, Nurııa Alpysbaı, Gúldana Jalmuhan jáne Anastasııa Galechına da jeńis tuǵyrynyń úshinshi satysyna kóterilip, qola medal aldy.

Polına Omelchýk 1 000 metr qashyqtyqta júldege bir qadam jetpeı, tórtinshi orynǵa turaqtady. Sonymen qatar sportshy V fınalyna eki ret (500 jáne 1 500 metr) joldama aldy.

V fınalyna Bogdan Vehov (1 500 metr), Pavel Tsoı men Tamırlan Joldas (500 metr) ótti. Sondaı-aq erler quramasy da estafetaǵa joldama aldy.