Qazaqstan «Sholpan Ata-Almaty» trassasyn salý úshin ınvestor izdep jatyr
ASTANA. QazAqparat - Qazaqstan «Sholpan Ata - Almaty» trassasy qurylysynyń tehnıkalyq-ekonomıkalyq negizdemesin ázirleýge kiristi. Bul týraly Qyrǵyzstan kólik jáne joldar mınıstri Jamshıtbek Kalılov juma kúngi «Onýgýý-Progress» fraktsııasynyń otyrysynda depýtattar suraǵyna jaýap berý barysynda málim etti, dep habarlady KırTAG.
«Qazaqstan «Sholpan Ata - Almaty» trassasy qurylysynyń tehnıkalyq-ekonomıkalyq negizdemesin ázirleýge kiristi jáne atalǵan kúre joldy salý úshin ınvestorlar izdep jatyr», - dep habarlady mınıstr.
Mekeme basshysynyń aıtýynsha, Sholpan-Atadan Almatyǵa deıingi eń qysqa jol 3200 metr bıiktiktegi Qastek asýy arqyly ótedi.
«Kelissózder barysynda qazaqstandyq jáne qyrǵyzstandyq taraptar Aq-Beıit jerindegi Kemın alqaby arqyly jol salýdy uıǵardy. Ekijaqty hattamaǵa byltyr Sankt-Peterbýrg qalasynda qol qoıylǵan. Joldyń jalpy uzyndyǵy 120-130 shaqyrymdy quraıdy», - dep tolyqtyrdy mınıstr.
