Qazaqstan shıkizattyq emes eksport kólemin 41 mlrd AQSh dollaryna jetkizedi
Mınıstrdiń atap ótýinshe, «Qazaqstandyqtardyń ál-aýqatyn arttyrýǵa baǵyttalǵan ornyqty ekonomıkalyq ósý» ulttyq jobasynyń «Shıkizattyq emes eksportty ilgeriletý» baǵyty aıasynda jańa óndiristerdi ósirýge jáne jumys istep turǵan eksporttaýshylardyń quzyretin arttyrýǵa baǵyttalǵan eksporttyq akseleratsııa baǵdarlamasyn damytý jalǵasady.
«1 000 belsendi eksporttaýshynyń syrtqy naryqqa shyǵýy qamtamasyz etiledi. Sonymen qatar 350 eksporttaýshyny elektrondyq saýda platformasyna shyǵarý josparlanyp otyr», - dedi ol.
Onyń atap ótýinshe, memlekettik etalondardyń halyqaralyq talaptarǵa sáıkestigin qamtamasyz etý úshin synaq zerthanalyq bazalarynyń 30 paıyzy jańǵyrtylady.
«Eksporttaýshylardy syrtqy naryqtarǵa ilgeriletý mynadaı is-sharalar esebinen qoldaý tabady: eksport aldyndaǵy jáne eksporttyq qarjylandyrý, saqtandyrý, aınalym qarajatyn tolyqtyrýǵa qarjylandyrý, sondaı-aq eksporttaýshylardyń shyǵyndaryn óteý. Nátıjesinde shıkizattyq emes eksport 41 mlrd AQSh dollaryna 2 esege artady», - dedi Áset Erǵalıev.
