«Qazaqstan sheteldik BAQ kózimen» baıqaýynyń jeńimpazdary marapattaldy

ASTANA. KAZINFORM — QR Syrtqy ister mınıstrliginde sheteldik jýrnalıster arasynda dástúrli túrde ótetin «Qazaqstan sheteldik BAQ kózimen» halyqaralyq baıqaýynyń X mereıtoılyq jeńimpazdaryn marapattady.

Bıylǵy baıqaýǵa álemniń 30 elinen 100-den astam materıal usynyldy. Qazylar alqasynyń sheshimimen AQSh, Armenııa, Belgııa, Ózbekstan jáne Pákistan jýrnalısteriniń eńbekteri úzdik dep tanyldy. Jeńimpazdar qatarynda Mett Fıtsdjerald (AQSh), Marıanna Mkrtchıan (Armenııa), Derıa Soısal (Belgııa), Arýhan Aqpanbetova (Ózbekstan) jáne Muhammad Alı Pasha (Pákistan) bar. Olar óz materıaldarynda Qazaqstannyń tsıfrlandyrý, ekonomıka, týrızm, sport, mádenıet jáne tarıh salalaryn keńinen qamtyǵan.

Saltanatty rásimge QR Syrtqy ister mınıstriniń orynbasary Arman Isetov pen baıqaýdyń seriktesteri qatysty. Arman Isetov jeńimpazdardy quttyqtap, usynylǵan jumystardyń sapasyn joǵary baǵalady. Onyń aıtýynsha, sheteldik jýrnalısterdiń qyzyǵýshylyǵy jyldan-jylǵa artyp keledi.

Marapattaý rásiminen keıin baıqaý jeńimpazdary «Digital Bridge 2025» halyqaralyq tehnologııalyq forýmynyń jumysyna qatysyp, sondaı-aq Astana, Almaty, Shymkent qalalary men Túrkistan oblysyna mádenı-tanymdyq sapar jasaıdy.