Qazaqstan sheteldikterdiń elde vızasyz bolý rejımin ýaqytsha toqtatty
NUR-SULTAN. QazAqparat - Qazaqstan Respýblıkasy Úkimeti elge kelýshi azamattardyń 72 saǵattyq vızasyz rejımin ýaqytsha toqtatty, dep habarlaıdy primeminister.kz. Bul týraly QR Úkimetiniń 2020 jylǵy 17 sáýirdegi №220 Qaýlysynda jazylǵan. «QazAqparat» HAA oqyrman nazaryna qujat mátinin usynady.
***
Qazaqstan Respýblıkasy Úkimetiniń 2020 jylǵy 17 sáýirdegi №220 Qaýlysy
Kóship kelýshilerdiń Qazaqstan Respýblıkasyna kelýiniń (ketýiniń) jáne olardyń Qazaqstan Respýblıkasynda bolýynyń keıbir máseleleri týraly
«Quqyqtyq aktiler týraly» 2016 jylǵy 6 sáýirdegi Qazaqstan Respýblıkasynyń Zańy 46-babynyń 1-tarmaǵyna sáıkes Qazaqstan Respýblıkasynyń Úkimeti QAÝLY ETEDІ:
1. Qazaqstan Respýblıkasy Úkimetiniń 2012 jylǵy 21 qańtardaǵy № 148 qaýlysymen (Qazaqstan Respýblıkasynyń PÚAJ-y, 2012 j., № 29, 388-qujat) bekitilgen Kóship kelýshilerdiń Qazaqstan Respýblıkasyna kelýiniń jáne onda bolýynyń, sondaı-aq olardyń Qazaqstan Respýblıkasynan ketýiniń qaǵıdalarynyń 17-tarmaǵynyń qoldanylýy 2020 jylǵy 1 qarashaǵa deıin toqtatyla tursyn.
2. «Qazaqstan Respýblıkasy Úkimetiniń 2012 jylǵy 21 qańtardaǵy № 148 qaýlysymen bekitilgen Kóship kelýshilerdiń Qazaqstan Respýblıkasyna kelýiniń jáne onda bolýynyń, sondaı-aq olardyń Qazaqstan Respýblıkasynan ketýiniń qaǵıdalarynyń 26-1-tarmaǵynyń qoldanylýyn toqtata turý týraly» Qazaqstan Respýblıkasy Úkimetiniń 2020 jylǵy 27 qańtardaǵy № 10 qaýlysyna («Egemen Qazaqstan», 2020 j. 28.01., № 18 (29747)) mynadaı ózgeris engizilsin:
1-tarmaq mynadaı redaktsııada jazylsyn:
«1. Qazaqstan Respýblıkasyna kelýdiń, bolýdyń jáne odan ketýdiń jetpis eki saǵattyq vızasyz rejıminiń qoldanylýy bóliginde Qazaqstan Respýblıkasy Úkimetiniń 2012 jylǵy 21 qańtardaǵy № 148 qaýlysymen (Qazaqstan Respýblıkasynyń PÚAJ-y, 2012 j., № 29, 388-qujat) bekitilgen Kóship kelýshilerdiń Qazaqstan Respýblıkasyna kelýiniń jáne onda bolýynyń, sondaı-aq olardyń Qazaqstan Respýblıkasynan ketýiniń qaǵıdalarynyń
26-1-tarmaǵynyń qoldanylýy 2020 jylǵy 1 qarashaǵa deıin toqtatyla tursyn.».
3. Qazaqstan Respýblıkasynyń Syrtqy ister mınıstrligi Qazaqstan Respýblıkasy Úkimetiniń 2012 jylǵy 21 qańtardaǵy № 148 qaýlysymen bekitilgen Kóship kelýshilerdiń Qazaqstan Respýblıkasyna kelýiniń jáne onda bolýynyń, sondaı-aq olardyń Qazaqstan Respýblıkasynan ketýiniń qaǵıdalarynda kórsetilgen memleketterge dıplomatııalyq arnalar arqyly habarlama jibersin.
4. Qazaqstan Respýblıkasynyń Syrtqy ister jáne Іshki ister mınıstrlikteri, Qazaqstan Respýblıkasynyń Ulttyq qaýipsizdik komıteti (kelisý boıynsha) Qazaqstan Respýblıkasynyń zańnamasynda belgilengen tártippen osy qaýlydan týyndaıtyn tıisti sharalardy qabyldasyn.
5. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri A. Mamın
