Qazaqstan sheteldikter asyrap alǵan bala kámeletke tolǵanǵa deıin, oǵan qatysty qos azamattyqty moıyndaıdy - J. Túımebaev
ASTANA. Qańtardyń 27-si. QazAqparat /Qanat Mámetqazyuly/ - Qazaqstan sheteldikter asyrap alǵan bala kámeletke tolǵanǵa deıin, oǵan qatysty qos azamattyqty moıyndaıdy.
Bul týraly búgin QR Parlamenti Májilisiniń jalpy otyrysynda «Qazaqstan Respýblıkasynyń balalardy qorǵaý jáne balany sheteldik asyrap alýǵa qatysty yntymaqtastyq týraly konventsııaǵa qosylýy jáne ratıfıkatsııalaýy týraly» zań jobasyn talqylaý barysynda QR Bilim jáne ǵylym mınıstri Janseıit Túımebaev málim etti, dep habarlaıdy QazAqparat.
«Sheteldik azamattar asyrap alǵan qazaqstandyq bala 18 jasqa tolǵanǵa deıin Qazaqstannyń da azamaty bolyp tabylady. Bul jóninde arnaıy zań normasy da bar. Osyǵan oraı, Qazaqstan sheteldikter asyrap alǵan bundaı balalarǵa qatysty qos azamattyqty moıyndaıdy. ıAǵnı, sheteldikter asyrap alǵan bala kámelettik jasqa tolǵannan keıin turaqty turatyn elin ózi tańdaýǵa quqyly. Atalǵan máselege qatysty QR Konstıtýtsııalyq Keńesi Syrtqy ister mınıstrligine osylaısha túsinik bergen bolatyn», dedi J. Túımebaev.
Mınıstrdiń aıtýynsha, Balalardy qorǵaý jáne balany sheteldik asyrap alýǵa qatysty yntymaqtastyq týraly konventsııaǵa 52 memleket qol qoıyp, 76 memleket ratıfıkatsııalaǵan. Sonymen birge, sheteldik bala asyrap alýdaǵy jalpy úlesi joǵary Irlandııa, Reseı memleketteri de atalǵan konventsııaǵa qol qoıǵan. AQSh bul Konventsııaǵa 1994 jyly qol qoıyp, 2008 jyly sáýirde ratıfıkatsııalady. «Konventsııa zańnamanyń ulttyq, quqyqtyq ókilettigin shektemeıdi. Osyǵan baılanysty Qazaqstannyń Konventsııaǵa qosylyp, ony ratıfıkatsııalaýy elimizdiń qoldanystaǵy «Neke jáne otbasy týraly» zańyna qaıshy kelmeıdi», dedi mınıstr.
