«Qazaqstan sheteldik BAQ kózimen» atty ІІІ Halyqaralyq baıqaýǵa ótinimderdi qabyldaý bastaldy
ASTANA. QazAqparat - QR Syrtqy ister mınıstrligi «Qazaqstan sheteldik BAQ ókilderi kózimen» atty ІІІ Halyqaralyq baıqaýǵa qatysatyndardan ótinishterdi qabyldaýdy bastady. Bul týraly búgin Astana ekonomıkalyq forýmy barysynda málim boldy.
Atap aıtqanda, baıqaýǵa tek sheteldik avtorlar qatysa alady. Osy rette bıyldyń basynan 25 maýsym aralyǵynda sheteldik BAQ-ta jarııalanǵan Qazaqstan týraly aqparattyq materıaldar qabyldanady. Shara qorytyndysy aǵymdaǵy jylǵy 5 shildede Astana kúni aıasynda jarııalanady.
«Baıqaý jeńimpazdaryna 2016 jylǵy qyrkúıekte Qazaqstanǵa sapary, ıaǵnı Astana men Almatyǵa jáne «Býrabaı shıpajaıyna aýqymdy mádenı baǵdarlama uıymdastyrylady»,-delingen vedomstvo málimetinde.
Barlyq eńbekterdi contest@mfa.kz elektrondy poshtasyna joldaý qajet. Baıqaý týraly erejemen QR SІM saıtynda tanysýǵa bolady.
