Qazaqstan shetelderden qyzanaq ımportyn ýaqytsha shekteıdi
ASTANA.KAZINFORM — Aýyl sharýashylyǵy mınıstrligi «Qazaqstan Respýblıkasynyń aýmaǵyna qyzanaq ákelýdiń keıbir máseleleri týraly» buıryq jobasyn «Ashyq NQA» portalyna qoǵamdyq talqylaýǵa shyǵardy.
Buıryq jobasyn ázirleýge Syrtqy saýda saıasaty jáne halyqaralyq ekonomıkalyq uıymdarǵa qatysý máseleleri jónindegi vedomstvoaralyq komıssııanyń 2026 jylǵy 5 maýsymdaǵy sheshimi negiz bolǵan.
— Eýrazııalyq ekonomıkalyq odaqqa (EAEO) múshe memleketterden ákelinetin ónimder men Qazaqstan aýmaǵy arqyly júzege asyrylatyn halyqaralyq tranzıtti qospaǵanda, úshinshi elderden jańa pisken nemese salqyndatylǵan qyzanaqty (SEQ TN kody — 0702) Qazaqstan aýmaǵyna barlyq kólik túrlerimen ákelýge ýaqytsha tyıym engizý kózdelip otyr, — delingen qujatta.
Joba boıynsha shekteý 2026 jylǵy 1 shildege deıin qoldanylady.
Mınıstrliktiń málimetinshe, atalǵan shara otandyq óndirýshilerdi qoldaý jáne ishki naryqta óndirilgen ónimniń turaqty ótkizilýin qamtamasyz etý maqsatynda usynylyp otyr.
Aıta keteıik, Aýyl sharýashylyǵy mınıstri Aıdarbek Saparov Kazinform-ǵa bergen suhbatynda azyq-túlik ımportyn otandyq ónimmen almastyrýda qandaı saıasat ustanyp otyrǵanyn aıtqan edi.
