Qazaqstan shet memleketterge jyl sońyna deıin 15 myń tonna et eksporttaıdy
Bul týraly búgin elordada ótip jatqan Astana Agroforum-2018 respýblıkalyq keńesinde QR Premer-Mınıstriniń orynbasary - Aýyl sharýashylyǵy mınıstri Ómirzaq Shókeev aıtty, dep habarlaıdy QazAqparat tilshisi.
«Et baǵdarlamasyna sáıkes maqsatymyz - zákirlik kooperatsııalar júıesin jáne shamamen 100 myń shaǵyn otbasylyq ferma qurý. Kooperatsııa quramynda mal bordaqylaý alańdary meen et kombınattary jumys isteıtin bolady. Al sút salasyndaǵy maqsatymyz - aldaǵy bes jylda 1 mln tonna sút óndirý. Munda da negizgi tetik iri sút-taýarlyq kompanııalarmen jumys isteıtin otbasylyq sút fermalary bolmaq», - dedi ol.
Onyń aıtýynsha, qazirgi ýaqytta bul baǵdarlamalar óz jemisi berip jatyr. Máselen, 2017 jyly elimiz 5,5 myń tonna iri qara mal etin eksportqa shyǵarsa, osy jyldyń 9 aıynda ǵana eksportqa jóneltilgen et kólemi 11 myń tonnadan asyp jyǵyldy.
«Biz jyl sońyna deıin 15 myń tonna sıyr etin eksportqa shyǵaramyz dep tolyq senimmen aıta alamyz», - dedi Ó.Shókeev.
Sonymen qatar ol elimiz aldaǵy bes jylda qus etin óndirýdi 5 ese ulǵaıty maqsatyn alǵa qoıyp otyrǵanyn aıtty.
«Oǵan múmkinshilik te bar. Máselen, taıaýda Makınskide bizdiń ólshemmen óte úlken sanalatyn, jylyna 50 myń tonna qus ótin óndiretin fabrıkany ashtyq», - dedi Úkimet basshysynyń orynbasary.
Aıta keteıik, QR Prezıdenti Nursultan Nazarbaev elordada ótip jatqan Astana Agroforum-2018 respýblıkalyq keńes qatysýshylaryna quttyqtaý joldady.