Qazaqstan shekarasyndaǵy úsh ótkizý beketin jańǵyrtý 2014-2015 jyldary aıaqtalady
«Kedendik ákimshileýge qatysty aıtar bolsam, syrtqy shekaradaǵy ótkizý beketterin jańǵyrtý jáne jaraqtandyrý jónindegi keńes barysynda bul másele qarastyryldy», dedi ol.
Vıtse-mınıstrdiń atap ótýinshe, ótken jyly keden qyzmetinde zamanaýı ınfraqurylym qurý aıasynda «Maıqapshaǵaı» keden beketiniń qurylysy aıaqtalyp, «Baqty» beketi jańǵyrtýdan ótti.
«2014-2015 jyldary «Qordaı», «Qonysbaı», «Qaljat» ótkizý beketterin jańartý jáne jańǵyrtý josparlanyp otyr. Otyrys barysynda eksport pen ımport taýarlaryn elektrondy deklaratsııalaý protsesine, naqtylaıtyn qujattardy usynbastan aqparat almasýdyń qaǵaz túrinen elektrondy túrine kóshýge qatysty máselelerge nazar aýdaryldy. Bul kedendik rásimdeý men kedendik baqylaý protsesin barynsha jeńildetip, shekaradaǵy ótkizý qabiletin arttyra túsedi», - dedi B.Sholpanqulov.
