Qazaqstan shekarasynda sanıtarlyq-karantındik beketter qurylady
«QR Indýstrııa jáne ınfraqurylymdyq damý mınıstrligi Ulttyq qaýipsizdik komıtetiniń Shekara qyzmetimen birlesip, Qazaqstan Respýblıkasynyń memlekettik shekarasyndaǵy ótkizý beketterinde sanıtarlyq-karantındik pýnktterdi qurý sharalaryn qolǵa aldy. Arnaıy karantındik aımaqtar qurylatyn ótkizý beketteriniń tizimin Qazaqstan Respýblıkasy Prezıdenti janyndaǵy Tótenshe jaǵdaı rejimin qamtamasyz etý jónindegi memlekettik komıssııa bekitedi. Munan bólek, jekelegen ótkizý pýnktterin ýaqytsha jabý múmkindigi qaralmaq», - dedi atap ótedi mınıstrlikten.
Aıta keteıik, Qazaqstannyń memlekettik shekarada 51 ótkizý beketi bar. Onyń 37-si Eýrazııalyq ekonomıkalyq odaq elderi (Reseı Federatsııasy, Qyrǵyzstan Respýblıkasy) jáne 14-i Qytaı Halyq Respýblıkasy, Ózbekstan jáne Túrkimenstan elderi shekarasynda ornalasqan.
