Qazaqstan shekarasynda 40 myń dollarmen ózbekstandyq ustaldy
ASTANA. QazAqparat - Qazaqstannan qomaqty somada deklaratsııalanbaǵan taýar men valıýta shyǵarmaq bolǵan Ózbekstan azamattary ustaldy, dep habarlaıdy QazAqparat.
«QR UQK Shekara qyzmetiniń «Ońtústik» óńirlik basqarmasyna qarasty Saryaǵash shekara otrıadynyń «Saryaǵash» temirjol kólikterin ótkizý bólimshesiniń shekara narıady «Rybachıı - Tashkent» baǵytymen ketip bara jatqan poıyzdyń vagonynan Ózbekstan azamatyn ustady. Ol ózimen birge Memlekettik shekaradan 5 400 000 teńgeniń deklaratsııalanbaǵan taýarlaryn (449 dana gaz qubyrynyń eseptegishin) jasyryn alyp ótpek boldy. Taýar tárkilenip tıisti oryndarǵa ótkizildi», - delingen QR UQK Shekara qyzmetine baspasóz qyzmeiniń málimetinde.
Budan bólek, «Qazyǵurt» avtokólikterdi ótkizý bólimshesi qyzmetkerleri valıýtany zańsyz ótkizý faktisin anyqtady. Ol jerdegi shekara narıady elden shyǵyp bara jatqan júrgizýshisi Ózbekstan azamatynyń Leksýs 570 avtokóligin keden qyzmetkerlerimen birge teksergen. Osy oraıda 40 100 AQSh dollarynyń zańsyz shyǵarylyp bara jatqandyǵy tirkeldi. Bul fakti boıynsha akt jasalynyp, tıisti oryndarǵa tapsyryldy.
