Qazaqstan shekarasynan ótkender 2 táýlikke deıin karantındik statsıonarda oqshaýlanady
NUR-SULTAN. QazAqparat - Qazaqstan shekarasynan ótken adamdar karantındik statsıonarda 2 táýlikke deıin oqshaýlanady. Bul jaıynda QR Bas sanıtarlyq dárigeri Aıjan Esmaǵambetova qol qoıǵan el halqyn koronavırýs ınfektsııasynan qorǵaý sharalaryn odan ary kúsheıtý týraly qaýlysynda aıtylǵan, dep habarlaıdy QazAqparat tilshisi.
«Oblystardyń, Almaty, Nur-Sultan, Shymkent qalalarynyń ákimderi, densaýlyq saqtaý basqarmalarynyń basshylary: Birinshiden, Qazaqstan Respýblıkasynyń úkimettik delegatsııalaryn, Qazaqstan Respýblıkasy Syrtqy ister mınıstrliginiń shaqyrýy boıynsha Qazaqstan Respýblıkasyna keletin shet memleketterdiń jáne halyqaralyq uıymdardyń resmı delegatsııalarynyń múshelerin; Qazaqstan Respýblıkasynda akkredıttelgen dıplomatııalyq ókildikterdiń, konsýldyq mekemelerdiń jáne halyqaralyq uıymdar ókildikteriniń qyzmetkerlerin jáne olardyń otbasy múshelerin; avıakompanııalar ushqyshtaryn jáne lokomotıv brıgadalarynyń múshelerin qospaǵanda, Qazaqstan Respýblıkasyna shetelden kelgen barlyq adamdardy, sondaı-aq EAEO elderinen jáne Ózbekstan Respýblıkasynan Qazaqstan Respýblıkasynyń Memlekettik shekarasy arqyly temirjol kóliginde jáne avtoótpe joldarynda ótkizý pýnktteri arqyly kelgen adamdardy COVID-19-ǵa zerthanalyq tekserý júrgizý úshin karantındik statsıonarda 2 táýlikke deıin oqshaýlaýdy qamtamasyz etsin», - delingen qaýlyda.
Sonymen qatar COVID-19 aýrýyn joqqa shyǵarmaıtyn belgileri bar adamdar karantındik statsıonarǵa emes, provızorlyq statsıonarǵa emdeýge jatqyzylady. COVID-19-ǵa zerthanalyq tekserý nátıjelerin alǵannan keıin oń nátıjeli adamdar emdeý úshin ınfektsııalyq statsıonarǵa aýystyrylady, COVID-19-ǵa teris nátıjeli adamdar 12 táýlik boıy úıde (úı karantıni) oqshaýlanady. Úıde oqshaýlaý úshin jaǵdaı bolmaǵan kezde osy qaýlyǵa 1 jáne 2-qosymshalarǵa sáıkes karantındik statsonarda oqshaýlaý usynylady.
«Ekinshiden, Qazaqstan Respýblıkasyna shetelden kelgen Qazaqstan Respýblıkasynda akkredıttelgen dıplomatııalyq ókildikterdiń, konsýldyq mekemelerdiń jáne halyqaralyq uıymdar ókildikteriniń qyzmetkerleri jáne olardyń otbasy músheleri COVID-19-ǵa zerthanalyq tekserýge jáne 14 táýlik boıy úıde ózin-ózi oqshaýlaýǵa (úı karantıni) jatady», -delingen qujatta.
Munan bólek, avıakompanııalardyń ushqyshtary, lokomotıv brıgadalarynyń músheleri qońyraý shalý arqyly (múmkindiginshe beıneqońyraý shalý) turǵylyqty (kelgen) jeri boıynsha medıtsınalyq baqylaýǵa alynady. EAEO elderinen jáne Ózbekstan Respýblıkasynan Qazaqstan Respýblıkasynyń Memlekettik shekarasy arqyly temirjol kóliginde jáne avtoótpe joldarynda ótkizý pýnktteri arqyly kelgen adamdar COVID-19-ǵa zerthanalyq tekserýge jáne 12 táýlik boıy úıde ózin-ózi oqshaýlaýǵa (úı karantıni); temirjol, teńiz kóligindegi tasymaldaý qyzmetimen baılanysty adamdar jáne júkterdi avtomobılmen halyqaralyq tasymaldaýdy júzege asyratyn júrgizýshiler, sondaı-aq tranzıttik júrgizýshiler shekarany kesip ótken oryndarynda COVID-19-ǵa zerthanalyq tekserýge jatady.
Vahtalyq ádispen jumys isteıtin, «Teńizshevroıl» JShS obektilerinen demobılızatsııalanǵan adamdar COVID-19-ǵa zerthanalyq tekserý júrgizý úshin kelgen orny boıynsha karantındik statsıonarda 2 táýlikke deıin oqshaýlaýǵa jatady, oń nátıjeli adamdar emdeý úshin ınfektsııalyq statsıonarǵa aýystyrylady, COVID-19-ǵa teris nátıjeli adamdar 12 táýlik boıy úıde (úı karantıni) oqshaýlanady. Úıde oqshaýlaý úshin jaǵdaı bolmaǵan kezde karantındik statsıonarda oqshaýlaý usynylady.
«Úshinshiden, tıisti aýmaqtyń Bas memlekettik sanıtarııalyq dárigeri óńirdegi jáne álemdegi qalyptasqan epıdemıologııalyq jaǵdaıdy eskere otyryp, shet elderden kelgen jolaýshylardy karantındeý týraly sheshim qabyldaýǵa quqyly», - delingen qaýlyda.
