Qazaqstan shekarasynan 45 shaqyrym jerde qytaılar kómirden gaz óndiretin zaýyt salyp jatyr - Baqytjan Jaqsalıev
MATY. 1 qarasha. QazAqparat /Erlik Erjanuly/ - Qytaıda bıyl kómirden gaz óndiretin jańa zaýyt iske qosylmaq. Bul týraly búgin Almatyda ótip jatqan "Innovatsııalar, energııa jáne resýrs jınaqtaý tehnologııalary elektr energetıkasy salasyn jańartýdyń negizi" dep atalatyn energetıkalyq forýmynda aıtyldy.
"Jaqynda úkimet delegatsııasy Qytaıdaǵy Qazaqstan shekarasynan 45 shaqyrym jerdegi kómirden gaz óndiretin jańa zaýytqa baryp qaıtty. Onda iri joba júzege asyrylyp jatyr. Jylyna 5,5 mıllıard tekshe metr gaz óndirilmek. Ol Túrikmenstan-Ózbekstan -Qazaqstan aýmaǵy arqyly ótetin gaz qubyry arqyly Qytaıdyń shyǵys jaǵalaýyna deıin jetkizilmek", - deıdi ındýstrııa jáne jańa tehnologııalar vıtse-mınıstri Baqytjan Jaqsalıev. Onyń aıtýynsha, bul jobaǵa 1,5 mıllıard dollar ınvestıtsııa jumsalǵan. Qorshaǵan ortanyń qaýipsizdigin qamtamasyz etýde jańa tehnologııalyq sheshimderdi qoldaný baǵytynda Qazaqstan bul jobaǵa zor qyzyǵýshylyq bildirip otyr. Energetıka salasyn odan ary damytý kómir óndirýge táýeldi. Sondyqtan Qazaqstan bul salada Qytaıdyń ǵana emes Avstralııa, AQSh, Ońtústik Afrıka elderiniń de tájirıbesin zertteýde.
