Qazaqstan shekarasynan 20 tonnaǵa jýyq qara metall alyp ótpek bolǵan reseılik ustaldy

ASTANA. QazAqparat - Qazaqstan-Reseı shekarasynda shekarashylar 20 tonnaǵa jýyq qara metaldy zańsyz alyp ótpek bolǵan azamatty ustady, dep habarlaıdy QR UQK Shekara qyzmetinen.

«Aqtóbe shekara otrıadyna qarasty «Jaısań» shekaralyq baqylaý bólimshesiniń baqylaýshylary Reseı Federatsııasynyń azamatyn ustady. Atalǵan azamat «MAN» avtokóligine 20 tonnaǵa jýyq qara metaldy tıep, ony shekaradan zańsyz ótkizýge árekettengeni belgili boldy», delingen habarlamada.

Teksere kelgende, reseılik azamattyń atalǵan júkti Qazaqstan Respýblıkasynyń aýmaǵynan tysqary jerge alyp ótýge qajetti qujattar bolmaı shyqty.

Ustalǵan júk pen azamat Martók aýdandyq ishki ister bólimine berildi.