Qazaqstan shekarasyn júzip ótpek bolǵan reseılik zeınetker ustaldy

Qostanaı oblystyq sotynyń baspasóz qyzmetinen málim etkendeı, reseılik zeınetker Qazaqstan Respýblıkasynyń memlekettik shekarasyn «Jelqýar» ótkizý beketinen tys jerden qasaqana kesip ótkeni úshin qylmystyq jýapkershilikke tartyldy. Sot oǵan 1 060 500 teńge kóleminde aıyppul salyp, bes jylǵa el aýmaǵynan shyǵarý jazasyn taıyndady.

Ol Qostanaı oblysy Jitiqara aýdany Bolshevık aýyldyq okrýginiń Daýylbaı aýylyna jaqyn jerde Bersýat ózeninen júzip ótken.

Aıta keteıik, Reseı Federatsııasynyń 67 jastaǵy azamaty Qazaqstan aýmaǵyna buǵan deıin de júzip kirmek bolǵan. Biraq ol joly sot aıyppul salýmen ǵana shektelgen bolatyn.