Qazaqstan shekarasy arqyly ótetin júk kólikterinen qansha tólem alynady

ASTANA. QazAqparat – Qarjy mınıstrligine qarasty Memlekettik kirister komıteti «QR Memlekettik shekarasy arqyly avtomobıl kólik quraldaryn, júkter men taýarlardy ótkizý, sondaı-aq olardy elektrondyq kezek boıynsha ótýi úshin tólemaqy mólsherlerin aıqyndaý týraly» buıryǵyn ashyq talqyǵa shyǵardy, dep habarlaıdy QazAqparat tilshisi.

Qujatqa saı, elimizdiń shekarasy arqyly ótetin júk kólikterinen endi tólem alynady.

«QR Memlekettik shekarasy arqyly júk avtomobılderin, onyń ishinde tirkemeleri bar júk kólikterin jáne ershikti tartqyshtardy ótkizý úshin 3 AEK (10 350 teńge) mólsherinde aqy belgileý usynylady», - dep jazylǵan kópshilik talqylaýǵa shyǵarylǵan qujatta.

Belgili bolǵandaı, atalǵan buıryq 2024 jyldyń 1 qańtarynan bastap qoldanysqa engiziledi.

Qujat 25 sáýirge deıin ashyq talqyda bolady.

Aıta ketsek, buǵan deıin Premer-Mınıstr Álıhan Smaıylov Senat depýtatynyń saýalyna joldaǵan jaýabynda Qazaqstan-Reseı shekarasyndaǵy 27 ótkizý pýnktiniń aýmaǵy keńeıetinin málimdep edi.