Qazaqstan shekarasynan aýyr preparattardy zańsyz ótkizbek bolǵandar ustaldy
ASTANA. KAZINFORM - Qazaqstannyń memlekettik shekarasy arqyly iri kólemdegi aýyr preparattardy zańsyz ótkizý faktisin anyqtady. Bul týraly Qarjylyq monıtorıng agenttigi habarlady.
«Bir top adam aldyn ala sóz baılasyp, vıtamınder túrimen jasyrylylǵan, quramynda adam ómiri men densaýlyǵyna aýyr áser etetin zattar bar anabolıkterdi, steroıdterdi Qazaqstannyń memlekettik shekarasy arqyly AQSh pen Eýropa elderine jóneltkeni anyqtaldy. Jedel-izdestirý is-sharalary barysynda uıymdastyrýshylar preparattardy saqtap, býyp-túıýmen aınalysqan mekenjaıy tabyldy», - delingen agettik habarlamasynda.
206 myńǵa jýyq ampýla men tabletka, sondaı-aq shprıtster, jelimdeýge arnalǵan stanok, poshta konvertteri, qutylarǵa arnalǵan ózdiginen jabysatyn japsyrmalar tabylyp, tárkilendi.
Atalǵan azamattar ustalyp, olarǵa qatysty sot «úı qamaǵyna alý» bultartpaý sharasyn qoldandy. Qazirgi ýaqytta sotqa deıingi tergeý júrgizilýde.
QR QPK-niń 201-babyna sáıkes ózge de málimetter jarııa etilýge jatpaıdy.
