Qazaqstan shekarasynan 200 shaqyrym qashyqtyqta jer silkindi
TAShKENT. KAZINFORM – 11 qarashada saǵat shamamen 22:32-de Ózbekstan aýmaǵynda 4 baldyq jer silkinisi tirkeldi, dep habarlaıdy Kazinform agenttiginiń menshikti tilshisi.
Seısmıkalyq monıtorıng ortalyǵynyń dereginshe, epıtsentri Namanǵan oblysynyń Qasansaı aýdanynda bolǵan zilzalanyń tereńdigi 16 shaqyrym. Ondaǵy jer asty dúmpýiniń kúshi 4 balǵa jetse, oshaqtan 20-30 shaqyrym qashyqtyqta ekpini 2-3 ball aralyǵynda sezildi.
Áleýmettik jelilerde jarııalanǵan beınebaqylaý kameralarynyń jazbalarynan jer silkinisiniń aıtarlyqtaı kúshti bolǵany baıqalady.
Naqtylaı ketsek, Ózbekstannyń Namanǵan oblysy Qazaqstannyń Shymkent qalasy men Jambyl oblysynan 200-220 shaqyrym qashyqtyqta ornalasqan.
Eske salaıyq, bıyl qazan aıynda Qyrǵyzstanda bolǵan jer silkinisi Ózbekstannyń 5 óńirinde sezilgen edi.
Sondaı-aq, 2026 jyly Ózbekstan jer silkinisin jasandy ıntellekt arqyly boljaýǵa kirisedi.