Qazaqstan shekarasyna jaqyn jerde 4,0 magnıtýdaly jer silkinisi boldy

ASTANA. KAZINFORM — QR ıAdrolyq fızıka ortalyǵynyń Geofızıkalyq zertteýler ınstıtýtynyń derekter ortalyǵynyń jedel aqparatyna sáıkes, Qytaı aýmaǵynda jer silkinisi tirkeldi.  

Jer silkinisiniń epıtsentri 42,63° soltústik endik pen 81,32° shyǵys boılyq koordınattarynda ornalasqan.

Magnıtýdasy – 4,0, energetıkalyq klasy – 9.

Eske sala keteıik, 23 qazan kúni Almatylyqtarǵa jer silkinisi týraly eskertý habarlamasy túsken bolatyn.

QR Tótenshe jaǵdaılar mınıstrliginiń málimetinshe, TJM «Seısmologııalyq zertteý ınstıtýty» JShS stantsııalar jelisi 23 qazan kúni, Astana ýaqytymen 12:20-da jer silkinisin tirkegen. Epıtsentr Qyrǵyzstan aýmaǵynda ornalasqan. Qazaqstan aýmaǵynda jer silkinisiniń dúmpýi sezilmegen.