Qazaqstan shekarashylary Reseıge esirtki alyp ótpek bolǵandardy ustady
ASTANA. QazAqparat - Ótken demalys kúnderi Qazaqstan shekarashylary esirtki ótkizbek bolǵan birneshe oqıǵanyń jolyn kesti, dep habarlady QR UQK ShQ baspasóz qyzmetinen.
Elimizdiń soltústigindegi Qostanaı shekara otrıadyna qarasty «Qaıraq avto» baqylaý-ótkizý beketiniń baqylaýshylary qyraǵylyq tanytyp, esirtkimen júrgen qazaqstandyq eki adamdy ustady. Naqtyraq aıtqanda, birinshi derek boıynsha «VAZ» avtomashınasymen Reseı Federatsııasyna bara jatqan 45 jastaǵy otandasymyz ustaldy. Onyń jeke zattaryn qaraý kezinde qol sómkesinen salmaǵy 10 gramm bolatyn «marıhýana» tabyldy. Ekinshi oqıǵa da osyǵan uqsas. Munda da «Lada» avtomashınasymen Reseıge ketip bara jatqan 40 jastaǵy jerlesimizdiń qaltasynan 15 gramm «gashısh» shyqty. Árıne, bul jerde shekarashylardyń qyzmettik ıtteriniń qyraǵylyǵyn atap ótken oryndy.
