Qazaqstan shekaralarynda 6 tonnadan astam esirtki tárkilendi

ASTANA. QazAqparat - QR UQK Shekara qyzmeti «Kóknár-2016» jedel-saýyqtyrý sharasy aıasynda osy jyldyń maýsym aıynan bastap 6,2 tonnadan astam esirtki zattaryn tárkiledi, dep habarlaıdy QazAqparat Shekara qyzmetine silteme jasap.

Atap aıtqanda, memlekettik shekaranyń ártúrli bólikterinen kelesideı esirtki zattary tárkilendi: geroın - 7 kg 231 gr 340 mlgr, gashısh - 12 kg 888 gr 439 mlgr,marıhýana - 185 kg 742 gr 725 mlgr,keptirilgen marıhýana - 6t 760 kg, psıhotroptyq «Travmadol» tabletkalary - 50 dana, qarasora tuqymy - 121,5 gr, kóknár tuqymy - 100 gr, «Spaıs» esirtkilik sıntetıkalyq zaty- 4gr, shaıyr maıy - 3 gr 310 mlgr, qoldan ósirilgen qaraqýraı - 13 417 túp.

Sondaı-aq ózdigimen ósip shyqqan 5 ga qarasora anyqtaldy.

Іs-shara aıasynda 156 azamat ustaldy, olardyń 87-si - Qazaqstan, 26 - Reseı, 8 - Ózbekstan, 33 - Qyrǵyzstan, 1 - Tájikstan jáne taǵy 1-eýi  Ázerbaıjan azamattary.

 «Kóknár-2016» is-sharasy jalǵasý ústinde.