Qazaqstan shegiletin shóp qospalarynyń ákelinýine tyıym saldy - Densaýlyq saqtaý mınıstrligi
ASTANA. Qańtardyń 21-i. QazAqparat - Qazaqstan shegiletin shóp qospalarynyń (mıksteriniń) ákelinýine tyıym saldy,
dep habarlady beısenbi, qańtardyń 21-i kúni Densaýlyq saqtaý mınıstrliginiń baspasóz qyzmetinen.
Qazaqstan Respýblıkasynyń Bas memlekettik sanıtarlyq dárigeriniń mindetin atqarýshy Nurqan Sádýaqasovtyń «Sanıtarııalyq-epıdemııaǵa qarsy (profılaktıkalyq) is-sharalar júrgizý týraly» 2010 jylǵy qańtardyń 20-syndaǵy qaýlysymen, «Genie», «Smoke relax your mind», «Rush», «Damiana chocolate», «Effya» jáne «Spice» sııaqty (quramynda psıhotropty áser etetin tetragıdrokannabınolǵa uqsas zattar bar) shegiletin shóp qospalarynyń (mıks) halyq densaýlyǵyna qaýiptiligi anyqtaldy», dep atap kórsetiletin vedomstvo habarlamasynda.
Oǵan qosa, shegiletin shóp qospalaryn (mıks) ákelý, óndirý, qoldaný jáne ótkizý kezinde jappaı ınfektsııalyq emes aýrýlar men ýlanýlardyń týyndaý jáne taralý qaýpi de anyqtaldy.
«Qazaqstan Respýblıkasynyń qoldanystaǵy zańnamasy negizindeQazaqstan Respýblıkasy oblystarynyń, Astana men Almaty qalalarynyń, kóliktegi Bas memlekettik sanıtarlyq dárigerlerine: jappaı ınfektsııalyq emes aýrýlar men ýlanýlardyń týyndaý jáne taralý qaýpin týdyratyn shegiletin shóp qospalaryn (mıks) Qazaqstan Respýblıkasynyń aýmaǵyna ákelýge tyıym salý; ishki ister organdarymen birlesip (kelisim boıynsha) shegiletin shóp qospalaryn (mıks) anyqtaý jáne aınalymnan alyp tastaý boıynsha baqylaý-qadaǵalaý is-sharalaryn júrgizý; Qazaqstan Respýblıkasynyń zańnamasyna sáıkes shegiletin shóp qospalary (mıks) anyqtalǵan kezde tyıym salý-shekteý sıpatyndaǵy sharalardy qabyldaý týraly tapsyrma berildi», dep habarlanady vedomstvonyń baspasóz baıanynda.
