Qazaqstan shash kútimine qajet sýsabynnyń 97 paıyzyn shetelden aldyrady

ASTANA. QazAqparat - Qazaqstanda sýsabyn bir jylda 41,7% qymbattady, sonymen birge óndiristiń azaıǵany da baıqalady, dep habarlaıdy QazAqparat ulttyq statbıýroǵa silteme jasap.

Shash kútimi ónimderin, atap aıtqanda, sýsabyndar, shashqa arnalǵan lak jáne shashty buıralaýǵa nemese sándeýge arnalǵan ónimder óndirisi 10,3% tómendedi.

Osylaısha 2022 jyldyń 12 aıynda 606 tonnadan astam ónim óndirilgen.

Óz kezeginde ımport 18,1%-ǵa ósti. Syrttan 24,3 myń tonna shampýn men shashqa arnalǵan lak ákelindi.

Import ónimderiniń úlesi - 97,6 paıyz.

12 aıdyń qorytyndysy boıynsha ishki naryqta joǵaryda atalǵan ónimderdiń 24,1 myń tonnasy satylǵan.