Qazaqstan Shanhaıda Khan Tengri Innovation habyn ashty

ASTANA. KAZINFORM – Bul – Ortalyq Eýrazııadaǵy startaptar men IT-kompanııalardyń Qytaı naryǵyna shyǵýyna arnalǵan alǵashqy arnaıy platforma, dep habarlady «Jibek Joly» telearnasy.

Bul otandyq jobalar álemdegi eń iri tutyný naryǵyna qol jetkizip, halyqaralyq deńgeıdegi oıynshylarǵa aınalý múmkindigine ıe bolady degen sóz. Qytaı men Ortalyq Eýrazııa arasynda jańa strategııalyq kópir ornaıdy.

Innovatsııalyq hab qazirdiń ózinde Qytaıdyń XNode akseleratorymen seriktestik ornatyp, damý satysy ártúrli startaptarǵa arnalǵan baǵdarlamalardy iske qosyp jatyr.

– Bul ortalyq bizdiń startap ónimderimizdi Qytaı naryǵynda ilgeriletýge septigin tıgizetin mańyzdy alań bolady dep esepteımiz. Bul óte úlken naryq. Munda kóptegen erekshe dúnıeler jaryqqa shyǵyp jatyr. Bizdiń maqsat tek batysty baǵyndyrý emes, sonymen qatar Qytaı naryǵyn da moıyndatý. Sondyqtan barlyq startap pen kásipkerlerdi bizdiń IT habymyzdy paıdalanýǵa shaqyramyz, – dedi Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev.

Aıta keteıik, Shanhaıdaǵy jasandy ıntellekt boıynsha Dúnıejúzilik konferentsııada Qytaıdyń ǵylymı jáne tehnologııalyq aqparat ınstıtýty men Pekın ýnıversıteti daıyndaǵan jasandy ıntellekt ınnovatsııasynyń jahandyq ındeksi týraly baıandama usynyldy.

Onda AQSh pen Qytaı jasandy ıntellekt salasynda kóshbasshy atandy.

Qazaqstandyq JI endi vıdeony 5 tilge aýdaryp, ulttyq naqyshta sýret salatynyn jazǵan edik.