Qazaqstan shańǵyshysy Álem chempıonatynyń kúmis júldesin enshiledi
ASTANA. 24 qańtar. QazAqparat - Chehııanyń Lıberets qalasynda ótip jatqan shańǵy sportynan jasóspirimder men jastar arasyndaǵy (23 jasqa deıingi) álem chempıonatynda qazaqstandyq Anastasııa Slonova kúmis medal aldy.
«Alaman» agenttiginiń jazýynsha, 10 shaqyrymǵa erkin ádispen júgirý jarysynda Slonova tek norveg Ragnhıld Hagadan ǵana keıin qaldy. Al qola júlde ıtalıandyq Debore Agreıterge buıyrdy.
Al jasóspirimder arasynda synǵa túsken boıjetken Anna Stoıan 33-oryn aldy. Uldar arasyndaǵy 15 shaqyrymdyq klassıkalyq jarysta Roman Ragozın 13-shi, Sergeı Malyshev 20-shy orynǵa taban tiredi.
Sergeı Malyshev 10 shaqyrymdyq erkin ádispen júgirý jarysynda altynshy orynnan kórindi.
